Analisti Pano Soko, nuk e sheh si ripërtëritje të Këshillit Kombëtar të Partisë Demokratike, zgjedhjet e së dielës së kaluar.
Nga studio e “MCN Live” ai deklaroi se mund të futet kushdo në Kryesi apo në Këshillin Kombëtar, por PD po ecën gabim dhe se rruga që ka zgjedhur është e gabuar.
Sipas tij, gjithçka bëhet për përfitime personale të Sali Berishës dhe për kapje nga oligarkët.
Soko shtoi se opozita e ka braktisur rolin e vetë dhe nuk iu duhet më qytetarëve.
Të shohim sa është përmasa e ndryshimit, nëse ka ndryshim tregon që po ripërtërihet. Problemi në Partinë Demokratike është në substancë, është përbërja, përfaqësimi.
PD vazhdon të jetë e njëjta parti që ka 13 vjet që vazhdon të hajë dru dhe nëse vazhdon me këtë mënyrë drejtimi dhe qasje politike, do vazhdojë dhe 13 vjet të tjera.
Ripërtëritja e këtyre është si të marrësh të më japësh të njëjtën libër dhe të thuash se e ke shkruar të ri. Këta as kopertinën nuk e kanë të re. Nuk e di se çfarë do të thotë ripërtëritja. PD vazhdon të mbetet po e njëjta që ka qenë këtu e 500 vjet.
Ti mund të bësh një makinë me pjesët më të mira të mundshme, pjesët e mira nuk e çojnë makinën në rrugën e drejtë. Problemi i PD është një makinë që po ecin gabim.
E vetmja gjë që do bëhet, është se dhe këto pjesët e reja do ecin gabim. Ripërtëritje do të thotë të ndërrosh drejtimin. Pikëpyetje është nëse PD a do jetë më peng i interesave personale të Sali Berishës.
A do ketë më kapje nga oligarkia? Gjithçka bëhet për përfitime personale. Ndodhi Rrjolli, nuk tha asnjë llaf PD. U qëlluan njerëz. Shikoni këta nuk dalin në protesta për Zvërnecin, se janë peng i interesave të të njëjtit oligarkë.
Çfarë ripërtëritje është kjo? A do të vazhdojë të qëndrojë PD përkrahë Ramës me të njëjtët oligarkë. Merr fut kë të duash në Kryesi. PD po ecën gabim.
Rruga që ka zgjedhur është e gabuar. Këtu po ngrihen qytetarët dhe ti i braktis. Opozita e ka braktisur rolin e vetë, nuk iu duhet më qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
