Gjatë rubrikës “Sy më Sy” kryeministri Edi Rama ka mbrojtur edhe njëherë punën e patronazhistëve të PS-së në terren.
“Mos u kruani me patronazhistët sepse nuk lënë votë të bjerë në tokë po ju them”, u shpreh Rama, ndërkohë që jemi afro dy javë para zgjedhjeve.
“Po u djeg patronazhistëve të PS”, çfarë po u djeg more Vasil, “Nuk pyesin se sa miliona pagoi Skëndërbeu i tyre për të shpallur Non-Grata, sa miliona euro për Becchetti, sa për inceneratorët, sa miliona për rrugët që prishen pas një viti. E kanë kuptuar që po ju vjen fundi.
Domethënë, patronazhistët kanë kuptuar që po u vjen fundi? Patronazhistët e dinë më mirë se edhe unë se si shkon kjo punë, nuk i njihni ju patronazhistët, i nënvlerësoni shumë. Ju kam thënë, me patronazhistët mos u kruani kot sepse janë edhe hakmarrës të mëdhenj dhe e rrisin tempin nga inati, janë inatçinj patronazhistët, nuk janë si unë. Mos u kruani me patronazhistët sepse nuk lënë votë të bjerë në tokë po ju them. Merrini seriozisht këto”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
