Palma e Artë në Festivalin e 78-të të Filmit në Kanë iu dha regjisorit disident iranian, Jafar Panahi, për filmin "A Simple Accident". Nga skena e festivalit, regjisori lëshoi një thirrje: "Mendoj se është koha t'i pyesim të gjithë iranianët në mbarë botën: le të lëmë mënjanë problemet, dallimet, më e rëndësishmja është liria e vendit tonë. Kinemaja është shoqëri, askush nuk ka të drejtë të na thotë çfarë të bëjmë, çfarë të mos bëjmë". Çmimi për aktorin më të mirë shkoi për Wagner Moura për O Agente Secreto, nga Kleber Mendoca Filho. Nadia Melliti mori çmimin e aktores më të mirë për filmin “Le petit dernier” nga Hasfia Herzi. Luc dhe Jeanne-Pier Dardenne u vlerësuan për skenarin më të mirë.
Ky edicion i festivalit do të mbahet mend edhe për errësirën që goditi të gjithë rajonin Alpes-Maritimes, pak orë para ceremonisë së mbylljes. Sipas prokurorisë së Grasse, hetimi zbuloi se ishte një “veprim i qëllimshëm”. Tre nga katër shtyllat e linjës së tensionit të lartë që furnizon qytetin e Kanës "janë prerë", tha prokurori.
Të gjitha çmimet
Çmimi për aktorin më të mirë në Festivalin e 78-të të Filmit në Kanë, i caktuar nga juria e kryesuar nga Juliette Binoche, shkoi për Wagner Moura për O Agente secreto, nga Kleber Mendoca Filho.
Palma e Artë për filmin më të mirë të shkurtër u fitua nga I'm Glad You're Dead Now nga Tawfiq Barhum.
Kamera e Artë, çmimi për filmin më të mirë të parë, i caktuar nga juria e kryesuar nga Alice Rohrwacher, u fitua nga filmi The President's Cake me regji të irakianit Hasan Hadi, në debutimin e tij regjisorial.
Çmimi për skenarin më të mirë, me Juliette Binoche si presidente të jurisë, u fitua nga Jeunesse Meres nga Luc dhe Jeanne-Pier Dardenne.
Çmimi Special, i dhënë nga juria, u fitua nga "Ringjallja" nga Bi Gan.
Çmimin për regjisorin më të mirë, me jurinë e kryesuar nga Juliette Binoche, e fitoi Kleber Mendonca Filho për filmin Oagente secreto.
Çmimi për aktoren më të mirë shkoi për Nadia Melliti për filmin “Le petit dernier” nga Hasfia Herzi.
Çmimi i Madh, i dyti më i rëndësishëm pas Palmës së Artë, u fitua nga Sentimental Value nga Joachim Trier.
Palma e Artë në Festivalin e 78-të të Filmit në Kanë, e dhënë nga juria e kryesuar nga Juliette Binoche, u fitua nga Jafar Panahi për filmin "A Simple Accident".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
