A e keni parë elegancën dhe bukurinë e Joaquin Phoenix në “Golden Globes”, ku mori çmimin si aktori më i mirë mashkull për rolin e tij në “Joker”? Duhet ta shikoni sërish! Phoenix, një vegan i bindur dhe ambientalist, ka bërë zgjedhjen e vetëdijshme për të patur të njëjtin kostum për të gjithë sezonin e çmimeve (ku mund të marrë të tjera çmime).
Kostumi që ai mbante veshur në Los Angeles natën e 5 janarit, ishte dizajnuar për të nga Stella McCartney. Kostumi ka prerjen klasike me papion të zi. Joaquin Phoenix synon të ndërgjegjësojë admiruesit e tij që të reduktojnë mbeturinat dhe ndikimin në mjedis. Vegan i përjetshëm, në fjalimin e tij falënderues ai u ndal te ndryshimet e vazhdueshme klimatike, duke i bërë njerëzit të adoptojnë një qëndrim proaktiv të ruajtjes së planetit dhe të përqendrojnë vëmendjen në përgjegjësinë personale të secilit prej nesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
