“Melodia e Lirisë” është koncerti që do të mbahet sonte në sheshin “Zahir Pajaziti” në Prishtinë për të shënuar 80 vjetorin e çlirimit të Shqipërisë dhe 25-vjetorin e çlirimit të Kosovës.
Koncerti organizohet nga Ambasada e Shqipërisë në Kosovë bashkë me Ministrinë e Mbrojtjes së Shqipërisë dhe Komunën e Prishtinës, ka bërë të ditur ambasadori i Shqipërisë në Kosovë, Petrit Malaj.
Përshëndetje miq në Prishtinë e kudo në Kosovë! Dëshiroj t’ju ftoj në një mbrëmje magjike ditën e mërkurë datë 29 maj 2024 ora 19.30 në sheshin ‘Zahir Pajaziti’ në Prishtinë.
Me shije kombëtare e ndërkombëtare ky koncert do të jetë nën shoqërimin e Orkestrës Frymore të Forcave të Armatosura të Republikës së Shqipërisë, ka vijuar Malaj.
Në vitin e 80-vjetorit të çlirimit të Shqipërisë dhe 25-vjetorit të çlirimit të Kosovës. Orkestra Frymore e Forcave të Armatosura të Republikës së Shqipërisë sjell këtë mbrëmje koncertin ‘Melodia e Lirisë’ me shije muzikore kombëtare e ndërkombëtare.
Malaj ka ftuar të gjithë që të marrin pjesë në koncert për të përjetuar një mbrëmje magjike me ritme të gjalla, melodi të mrekullueshme dhe emocione të forta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
