Drejtoria e Përgjithshme e Arkivave solli sot në vëmendje 12 janarin e vitit 1944, datë kur doli në shtyp numri i parë i revistës "Bleta".
Revista "Bleta" ishte organ kulturor i përdymuajshëm, me seli në rrugën Carnarvon nr. 15 në Tiranë. Revista trajtonte zhanre të pasura tematikash nga fusha e letërsisë dhe e gazetarisë, fejtone të shkurtra, përrallëza për fëmijë, rubrikë mbi fotografinë, informacione mbi teatrin dhe kinematografinë.
Ishte e vetmja reviste që pasqyronte programin e Radio Tiranës për kohën, dhe në faqet e saj do të ndeshnim emrat më të spikatur radiofonikë.
Bëhet fjalë për Liza Vorfi, Bardhyle Nasen, Behije Çelën, Kel Satën, baritonin Mihal Tziko, si edhe mjeshtrin e pianos Mario Ettore.
Nga rubrikat më të pëlqyera për kohën do të ishte edhe “Ju flet mjeku”, një hapësirë 15-minutëshe që transmetohej ditën e diel me mjekun Hamdi Sulçebe.
Dizanjimin e kësaj reviste, por edhe të reklamave të saj, do ta drejtonte Shoqnia Publicitare S.A.P.A.S.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
