“Java e Evropës 2024” nis nesër me aktivitete në Shkodër, për të vazhduar në Gjirokastër dhe Tiranë për të festuar gjithëpërfshirjen, diversitetin dhe të drejtat e njeriut.
Siç njofton Zyra e Misionit të BE-së në Tiranë, do të ketë panele diskutimesh, koncerte dhe aktivitete të ndryshme kulturore gjatë javës.
“Java e Evropës 2024” nis në brigjet e liqenit të Shkodrës, në Shirokën piktoreske më 4 maj.
Delegacioni i Bashkimit Evropian në Tiranë ftoi qytetarët të bashkohen në këtë event për një ditë të mbushur me aktivitete që festojnë gjithëpërfshirjen, diversitetin dhe të drejtat e njeriut.
Dita fillon me performanca artistike dhe një panair, me një instalacion video 360 gradë ku secili mund të krijojë video unike dhe t’i ndajë ato në kohë reale në rrjetet sociale.
Pjesëmarrësit mund të marrin pjesë në diskutime dhe të shijojnë përvoja interaktive gjatë gjithë ditës.
Me daljen e hënës, mbrëmja gjallërohet me një DJ set nga Geri Syka, e ndjekur nga shfaqja e filmit “Catwalk” në bashkëpunim me Ambasadën e Suedisë.
Poashtu më 4 maj, në kuadër të festimeve të Javës së Evropës 2024 në Shirokë të Shkodrës, në bashkëpunim me Ambasadën e Suedisë, shfaqet filmi “Catwalk” .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
