Asgjë nuk u dëgjua për pikturën “Portret i një Zonje” nga Gustav Klimt, vepër e cila u vodh gati 23 vjet më parë nga një galeri arti modern në Piaçenca (Piacenza), në veri të Italisë, duke shkaktuar bujë në mediat botërore.
Dukej sikur kjo kryevepër e pikturës me vlerë 60 milionë euro nuk do të gjendej ndonjëherë, derisa një punëtor i galerisë ku u vodh që pastronte mjedisin, u pengua në një panel metalik.
Pas tij ishte një e çarë, brenda së cilës ishte një çantë e zezë që përmbante atë që dukej se ishte piktura që mungonte.
Ende po bëhen verifikime për vlerësimin e veprës, e cila është dorëzuar në polici, por drejtori i galerisë, Massimo Ferrari është i bindur se origjinali është gjetur, sepse ka të njëjtat vula dhe dyllë të nënshkruar në pjesën e prapme të pikturës.
Policia po heton nëse hajdutët e kishin lënë të fshehur pikturën për ta rimarrë kur vëmendja e mediave në të gjithë botën të largohej nga një prej vjedhjeve më famëkeqe e të përfolura të artit në vite. /BBC/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
