“Filmi artistik me metrazh të shkurtër “Mbjellja e pemëve” me skenar të Ylljet Alicka, regjia Fabio Seferi, me producent Mateo Cingu, është pjesë e katalogut të edicionit të 75-të të Cannes Film Festival, në seksionin Cannes Court Métrage”.
Regjisori Seferi, tha sot për edicionin e lajmeve në MCN TV, se edhe pse filmi nuk është konkurrues i drejtpërdrejtë i Festivalit, por në senksion screen market, megjithatë kjo është cilësuar si një arritje e madhe për kinematografinë shqiptare.
Filmi do të jetë në scren market jo ne konkurrim të drejtpërdrejtë, porse do të jetë një arritje e madhe. Filmi arriti të financohet nga Qendra Kombëtare e Kinematografisë dhe xhirimet kanë përfunduar për katër ditë.
Bashkëpunimi me kastën e aktorëve dhe grupin ka qenë mjaft produktiv, të gjithë kanë dhënë ndihmën e tyre dhe sugjerime, sa që në montazh kam marrë pjesë nga të dy anët.
Nga pikëpamja regjisoriale ishte e vështirë, ngaqë ishin të vështira për tu gjetur ndërtesa të vjetra, dhe arritëm me ndihmën e Qendrës të gjenim një gjendje burgu në Vaqarr, dhe të mundësonim skenografinë e atyre viteve, të viteve ’80 kur ka ndodhur ngjarja.
Filmi “Mbjella e pemëve”, ishte caku i fundit i aktorit Guljem Radoja.
Regjisori Fabio Seferi thotë se i mbetet peng që nuk arriti të shoh filmin e tij te fundit.
“Jam mërzitur shume sepse ai nuk arriti që ta shikonte filmin e tij të fundit dhe për mua do të jetë një film i paharruar. Ishte nder që roli i tij i fundit ishte në filmin tim, porse ishte njën humbje shumë e madhe për kinematografinë shqiptare.
Filmi do të shfaqet më 25 maj në ora 15:30 në Palais G, Kanë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
