Ndërron jetë shkrimtari Carlos Ruiz Zafón

Ndërron jetë shkrimtari Carlos Ruiz Zafón. Mediat spanjolle shkruajnë se Zafon vdiq në rezidencën e tij në Los Angeles - ku kishte jetuar që nga viti 1993 - për shkak të kancerit. "Sot është një ditë shumë e trishtuar për të gjithë ekipin botues që e njohën dhe punuan me të për njëzet vjet, gjatë së cilës u tejkalua një miqësi që kapërcen profesionalizmin", tha botuesi i tij. Ruiz Zafón, 55 vjeç, punoi në Los Angeles si skenarist për industrinë e Hollivudit.

Ai u bë i njohur ndërkombëtarisht me romanin e tij “Hija e erës”, fitues i çmimeve të shumta dhe i përzgjedhur në klasifikimin e bërë në 2007 nga 81 shkrimtarët dhe kritikë latinoamerikanë dhe spanjollë me 100 librat më të mirë në gjuhën spanjolle të 25 viteve të fundit. Punimet e tij janë përkthyer në mbi dyzet gjuhë. Në Itali, librat e tij janë botuar nga “Mondadori”.

Karriera e tij filloi në vitin 1993 me një seri librash për fëmijë dhe adoleshentë, duke përfshirë veçanërisht “Princin e Mjegullës” (frymëzimi duket se ka ardhur nga puna e tij e mëparshme si mësues kopshtesh). Për të rriturit ai nisi të shkruajë 8 vjet më vonë, në vitin 2001, kur botoi “Hijen e erës”. Tetë milionë kopje të shitura dhe një sukses ndërkombëtarë. Në 2005 (ndërkohë ishte përkthyer në 35 gjuhë) ai fitoi Çmimin Ndërkombëtar Barry, si romani më i mirë debutues.

Në vitin 2008, Planeta publikoi romanin e dytë, “Loja e engjëllit”. Një vit më pas erdhi “Marina”. Zafon njihet për tituj si “I burgosuri i qiellit”, “Labirinthi i shpirtrave” etj.

Të gjithë titujt e mësipërm janë përkthyer edhe në shqip.