Specialistët e DRTK Gjirokastër kanë përfunduar ndërhyrjen në Varret Antike të Sofratikës, monument i trashëgimisë kulturore në qarkun e Gjirokastrës, për mirëmbajtjen dhe nxjerrjen në dritë të monumentit të kulturës.
Lajmi është bërë i ditur edhe nga ministrja e Kulturës, Elva Margariti.
Vijon puna e përditshme për mirëmbajtjen dhe nxjerrjen në dritë të monumenteve të kulturës.
Specialistët e DRTK Gjirokastër përfunduan ndërhyrjen në Varret Antike të Sofratikës, ku kanë realizuar pastrimin nga vegjetacioni, pastrimin e pllakave të gurëve, kuadratimin e zonës dhe ngritjen e murit mbështetës.
Varrezat Antike të Sofratikës gjenden në Dropullin e Poshtëm dhe thuhet se i përkasin shekullit të dytë të erës sonë.
Më shumë se 30 varre të kufizuar me pllaka të mëdha guri e mermeri, të skalitur në përmasat 50 me 100 cm, janë evidentuar nga gërmimet e bëra rreth 50 vjet më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
