Gazetarja Entela Komnino dhe njohëse e mirë e gjuhës shqipe, thotë se në ditët e sotme po zënë vend pseudoshkencëtarët dhe pseudostudiuesit, për shkak se studiuesit nuk japin fakte bindëse. “Po orientohen klikimet nga mungesa e studimet. Mungojnë studimet e vërteta dhe të na japin përgjigje. Si ka mundësi që nuk e dinë në publik, që nipi i Jul Çezarit vjen të studiojë në Apolloni. Një shumicë autorësh antik e kanë përmendur këtë fakt, ndërsa këtu nuk e dinë. Edhe pse Jul Çezari e kishte dërguar nipin atje, se i kishte paralel studimet me fushatën e tij kundër Pompeut.” Në emisionin “Arnautistan” në MCN Tv, ajo tha se në studimet filologjike ka nevojë për reformim, ekspozim ndaj një detyre që është kombëtare. Sipas saj, nëse vendoset që të nxirren faktet siç janë që ekzistojnë, fakte të shkruara nga albanologët që kanë studiuar grupe të mëdha fjalësh dhe argumente gjuhësore, rezultojnë ngjashmëri 6 fjalë me greqishten e vjetër. Komnino shtoi se duhet qëmtuar faktet dhe duhen nxjerrë disa përfundime. “Lexojnë disa fakte, por nuk arrijnë që t’i shpjegojnë mirë, por këta tërheqin se ka një boshllëk në audiencë. Një fakt që e marrin studiuesit e gjuhës së huaj, tregon se nuk ka asnjë dokument që të tregohet se kur kanë ardhur shqiptarët këtu, kjo tregon se ata kanë qenë këtu para popullsive të tjera të cituara.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
