"Dua që fëmijët e mi ta dinë se si ishte babai i tyre". Ishte atësia ajo që e shtyu Elton John të botojë “Me”, autobiografinë që fëmijët e tij "natyrisht nuk lejohen ta lexojnë, të paktën deri në moshën 15 ose 16 vjeç". Vetoja nuk është për t’u çuditur duke pasur parasysh rrëfimet shumëngjyrëshe të yllit në libër, veçanërisht për vitet kur vuante nga bulimia, blerja impulsive, si dhe varësia nga kokaina dhe alkooli. I intervistuar në Londër nga shkrimtari dhe komediani David Walliams para audiencës së “Hammersmith Apollo të Londrës”, Sir Elton ai rishikoi 72 vjet të jetës dhe mbi pesëdhjetë karrierë midis emocionit dhe të qeshurës.
"Një ditë më 1957 nëna ime solli në shtëpi albumin e Elvis “Heartbreak Hotel”, dhe për mua ishte fundi", kujton ai. Pika e kthesës reale ndodh vite më vonë, në audicionin me Ray Williams të “Liberty Records”. Unë i shpjegova se mund të këndoja dhe të kompozoja muzikë, por jo të shkruaja fjalë; kishte një grumbull zarfesh në tryezë dhe ai më dha një me kontaktet e shkruesit të vargjeve Bernie Taupin. Aty filluan të gjitha ". Me mbi 30 albume me hite si “Rocket Man”, “Crocodile Rock” dhe “Candle in the Wind”. Fjalët e Taupin në duart e Eltonit u shndërruan në nota. "E shkruajta këngën tuaj në pak më shumë se 15 minuta", ishte fillimi i një karriere të jashtëzakonshme të shënuar nga teprimi dhe ekstravaganca. Nuk nuk mungojnë as anekdotat për miqtë e famshëm si Rod Stewart, John Lennon ose Freddy Mercury. Dhe duke folur për këtë të fundit, ylli i popit përpiqet të mbajë lotët. Udhëheqësi i “Queen” ishte një artdashës si, Sir Elton. Edhe pse i shkatërruar nga SIDA, Mercury ishte i rrethuar nga ilaçe dhe katalogje deri në fund, sepse ai vazhdoi të blinte në ankand.
Një tjetër pikë kthese ishte takimi me Ryan White, një djalë i Indianës i stigmatizuar nga komuniteti i tij sepse ai kishte kontraktuar SIDA përmes një transfuzioni gjaku. Eltoni vendosi të ndihmojë.
"Ndërsa unë isha duke u ankuar në hotel për letër-muri ose tapiceri, familja Ryan i kishte falur të gjithë ata që kishin qenë të tmerrshëm me ta, unë u mbulova nga turpi", thotë këngëtari, i cili në atë kohë ishte nën pushtetin e drogës dhe alkoolit.
"Gjashtë muaj më vonë isha i pastër. Ai fëmijë më bëri të kuptoja nivelin e degradimit tim dhe sa isha arrogant dhe me vese". Po të mos ishte Ryan, ai nuk do të krijonte fondacionin “Elton John Aids”, një bamirësi që ka mbledhur deri tani 450 milionë £ për sëmundjen. Edhe takimi me partnerin e jetës David Furnish tregohet si kthesë e fatit. "Kisha tre vjet që isha esëll, por ndihesha vetëm. Një ditë isha në shtëpinë time në Windsor dhe thirra një mik që punonte në dyqanin “Versace” në “Bond Street”, duke e ftuar tek unë me miqtë e tij gay thjesht për një mbrëmje e këndshme së bashku. Një nga 4 miqtë që solli me vete ishte David. " Kanë kaluar 26 vjet tashmë. "Në fazën e fundit të jetës nuk dua të udhëtoj më, por thjesht të jem me burrin dhe djemtë", përfundoi ylli i popit duke u nisur për në Australi për turneun e lamtumirës që më pas do të vazhdojë në SHBA dhe Kanada. Sipas njoftimit që është bërë, sipari do të bjerë në nëntor të vitit 2021. /Ansa, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
