Në prag të përvjetorit të vdekjes së kineastit të madh Kristaq Dhamo, një prej pionierëve të filmit shqiptar, familja i dhuron Arkivit të Filmit një koleksion të pasur, që shërben jo vetëm për plotësimin e dosjes së kineastit, por edhe të historisë së kinematografisë shqiptare. Arkivi Shtetëror i Filmit bën të ditur se bëhet fjalë për korrespondenca të kohës studentore, shënime, komente, referate të mbajtura në simpoziume etj., që do t’u shërbejnë studiuesve dhe kritikëve. “Një kënaqësi e punës arkivore është edhe plotësimi i dosjeve personale të kineastëve me materiale të vyera si këto që dorëzoi pranë AQSHF-së familja e regjisorit Kristaq Dhamo, të cilën e falënderojmë thellësisht nga zemra! Arkivi fton të gjithë kineastët e vjetër dhe familjarët e atyre në nuk janë më në jetë që të dorëzojnë materiale të tilla në arkiva, aty ku është vendi i duhur që këto fragmente nga jeta e tyre të marrin vlerë dhe t'i shërbejnë studimeve, kujtesës, brezave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
