Trajtimi i racizmit, vështirësive në martesë, prindërimit dhe madje edhe menopauzës. Katër vjet pas publikimit të librit të saj të parë 'Becoming', Michelle Obama sjell 'The Light We Carry”, në librari nga 15 nëntori.
E intervistuar nga e përjavshmja People, ish-Zonja e Parë, 58 vjeçe, flet për mënyrën se si bëri miq të rinj pas largimit nga Shtëpia e Bardhë, sesi u përpoq të mbante kontrollin gjatë kohëve të pasigurisë sociale dhe politike, rolin e saj si prind dhe gjithashtu se si ia kishte dalë mbanë me menopauzën.
Michelle tha se ndihej me fat për këtë sepse nuk kishte efekte të mëdha, ndryshime humori ose shtim tipik në peshë. Megjithatë, ajo ka rrëfyer se tani po i kushton më shumë vëmendje.
“Nuk e kam peshuar kurrë veten, përpiqem të mos i shikoj shifrat në peshore por kur je në menopauzë ka një grackë që nuk e kupton... Duhet të jem më e ndërgjegjshme, jo e fiksuar, por më e ndërgjegjshme”.
Për sa i përket prindërimit, Michelle tregoi se si duhej të mbante entuziazmin e saj me njoftimin e vajzave Malia dhe Sasha, 24 dhe 21, se donin të transferoheshin së bashku në Los Angeles.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
