Yjet e famshme të artit dhe të modës u mblodhën bashkë në Met Gala që organizohet çdo vit në Nju-Jork.
Jennifer Lopez, Billy Porter, Jared Leto dhe Lady Gaga ishin ndër yjet pjesëmarrëse të këtij eventi që po mbledh para për Muzeun Metropolitan të Artit.
Eventi shenjon njëkohësisht edhe hapjen e shfaqjes së përvitshme të modës së Institutit të Kostumeve.
Tema e galasë së sivjetshme ishte kampi, me qëllim që të shkaktojë humor, ekzagjerim dhe interepretim të lirë. Ajo është frymëzuar nga eseja e vitit 1964 “Shënime në kamp” të shkrimtares Susan Sontag.
Me prirjen për të ekzagjeruar veshjet në tapetin rozë përbëheshin nga pëlhura të arta, temina, pupla, neon, dorashka, funde etj. /Sipas EuroNews, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
