Departamenti Amerikan i Shtetit ka vendosur një grant prej 800,000 dollarësh për restaurimin e fortifikimeve të lashta shqiptare, të cilat u dëmtuan nga tërmeti i 26 nëntorit.
Ambasada e Shteteve të Bashkuara të Amerikës në Tiranë njoftoi sot se, “programi i Ambasadorëve për Ruajtjen e Trashëgimisë Kulturore i Departamentit të Shtetit po ndihmon në restaurimin e fortifikimeve të lashta shqiptare në Krujë, Durrës dhe Prezë, të cilat u dëmtuan nga tërmeti i 26 nëntorit”.
“Me një grant prej 800,000 dollarësh, programi Ambasadorëve për Ruajtjen e Trashëgimisë Kulturore do të mbështesë stabilizimin kritik të strukturave, studimin për ruajtjen e secilit nga fortifikimet dhe rindërtimin e pjesëve të dëmtuara”, thekson ambasada e SHBA.
Ambasadorja e SHBA, Yuri Kim dhe ministrja e Kulturës, Elva Margariti, nënshkruan në 23 qershor marrëveshjen për grantin 800 000 dollarë.
Ambasadorja Kim bëri me dije se ky projekt 2-vjeçar do të fillojë punën në Kullën C në Durrës, dhe më pas do të vazhdojë me punën në Teqenë e Dollmës këtu në Krujë, në Kalanë mesjetare të Prezës dhe në Kullën e Sahatit të Kështjellës së Krujës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
