Gazetarja e DW-s, Lindita Arapi është e njohur në Tiranë si shkrimtare me poezitë dhe prozën e saj të veçantë. Këtë radhë ajo është rikthyer nga Gjermania për të promovuar romanin “Çaste” apo siç e quan ndryshe, një “kolazh metropoli” që vjen nga Berlini.
Gazetarë, kritikë dhe miq u mblodhën këtë të martë në Tiranë për të biseduar me shkrimtaren Lindita Arapi, e cila sjell nga Gjermania një roman të veçantë. Romani “Çaste” ka në qendër fatin e intelektualit, të shkrimtarit në vendin e huaj. Takimi me një personazh që kërkon t’i ikë jetës në metropol, krijon shkëndijat ekzistencialiste të sjella me finesë, me një gjuhë poetike nga autorja. Romani përbëhet nga tregime që kanë lidhje me njëri me tjetrin, Libri është një botim i shtëpisë botuese “Dudaj”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
