Mbi 100 foto u ekspozuan në Shkodër në ekspozitën “Rikthim në traditë, veshjet popullore të shqiptarëve”, që solli një retrospektivë të trashëgimisë kulturore të Shqipërisë.
Mbi 100 fotot e kësaj ekspozite njëditore, e organizuar nga Drejtoria e Përgjithshme e Arkivave në bashkëpunim me Bashkinë Shkodër, shpalosin larmishmërinë dhe veçantitë e kostumeve popullore të mbarë trevave shqiptare si dhe sjellin në memorie figura të rëndësishme historike nën petkun e veshjeve popullore (prijës fisnorë, njerëz të letrave, mbrojtës të trojeve amtare).
Bashkia e Shkodrës bëri të ditur se në këtë ekspozitë shëtitëse në qytete të ndryshme të vendit, rajoni i Shkodrës prezantohet përmes fotove të dinastisë Marubi.
Materialet e përzgjedhura nga DPA-ja u ofrojnë vizitorëve një fushëpamje të gjerë të tematikës. Ndër të tjera, nën petkun e veshjes popullore keni mundësinë të shihni figura të rëndësishme historike, prijës fisnorë, mbrojtës të trojeve amtare dhe njerëz të letrave.
Ekspozita “Rikthim në traditë, veshjet popullore të shqiptarëve” u hap edhe në Krujë, ku vizitorët patën mundësinë të vrojtonin imazhe që shpalosnin larmishmërinë dhe veçantitë e kostumeve popullore të mbarë trevave shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
