“Olio dhe Stenli”, një film biografik për komikët e dashur (VIDEO)

Më 1 maj do të dalë në kinematë italiane filmi biografik “Stenli dhe Olio me regji të Jon S. Baird dhe me aktorët Steve Coogan dhe John C. Reilly, i cili tregon lidhjen që ka bashkuar çiftin komik më të dashur në botë. Historia përqendrohet në turnetë e tyre teatrore në Anglinë e vitit 1953. Sigurisht, që do të ketë të qeshura, por ama dhe shumë patos. "Kemi koreagrafuar një balet  kaq shumë herë sa mund ta ndjekim dhe në gjumë”, shpjegon Coogan. “Na është dashur të krijojmë një lidhje të fortë: tensionit tonë iu shtua publiku që na shihte”, kujton Reilly. "E dija që filmi do të ishte mallëngjyes dhe trishtues, plot me emocione dhe frika ime ishte: A do të jetë mjaftueshëm zbavitës?” shpjegon Faye Ward.  /sipas Repubblica.it, përgatiti Erina Çoku/