Për herë të parë Mozaiku i Bazilikës Paleokristiane bëhet i aksesueshëm për qytetarët dhe turistët.
17 vite nga zbulimi i Bazilikës Bizantine në Elbasan u hap sot Mozaiku paleokristian, që kur turistët dhe qytetarët në gati dy dekada e kanë parë atë nga lart të mbuluar.
Bëhet fjalë për 25 metër mozaik në të cilin përveç dy figurave njerëzore, në përbërje të tij ka edhe elementë të tjerë të cilët tregojnë skemën e përjetësisë, realizuar me një mjeshtëri të rrallë.
Specialistët e trashëgimisë kulturore në Elbasan, Korçë dhe artistë të qyteti theksuan se ky Monument Kulture i Kategorisë së Parë mbart vlera të jashtëzakonshme.
Ende nuk është e sigurt që ky mozaik i reziston ndryshimeve klimaterike ndaj specialist të fushës ngurojnë ta hapin plotësisht edhe pse ndajnë mendimin që nevojitet një projekt për ta bërë të aksesueshëm për ata që kanë interes.
Mozaiku i hapur do ti shërbejë kryesisht turizmit, pasi ndalesa e parë e turistëve që vizitojnë Elbasanin padyshim që është Bazilika.
Poshtë këtij mozaiku fshihet një bazilikë e shekullin V e përbërë nga shumë elementë arkitektonikë ku vlen të veçohet mozaiku dhe afresket.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
