Legjenda e muzikës italiane italian Adriano Celentano feston 80-vjetorin e tij të lindjes. Adriano Celentano lindi më 6 janar 1938, në rrugën Gluck në qytetin e Milanos, rrugë që i dha emrin një prej këngëve më të sukseshme të tij.
Vinte nga një familje emigrantësh pugliezë të emigruar në veri të Italisë. Braktisi mjaft i ri shkollën duke kryer disa punë të ndryshme mes të cilave dhe atë të orëndreqësit.
Më 1957 merr pjesë në Festivalin e parë të rrokut "Rock Boys" në Milano ku fiton çmimin e parë me këngën "Ciao ti dirò" si dhe kontratën e tij të parë diskografike me shtëpinë muzikore Music.
Një vit më vonë publikon diskun e tij të parë që shënon dhe rrugëtimin e tij artisitk. Suksesi i parë i madh mbërrin me këngën "Il ribelle" më 1959 e në të njëjtin vit me këngën "Il tuo bacio e come un rock".
Në Festivalin e Sanremos më vitin 1961 zë vendin e dytë me këngën "24 mila baci" këngë që shënon një rekord shitje disqesh.
Më 1998 bashkëpunon artistikisht me këngëtaren e njohur italiane Mina i cili ishte edhe një nga bashkëpunimet më të mira në muzikën italiane, e bashkarisht publikojnë diskun Mina-Celentano i cili shënon një rekord shitjesh me rreth 1. 600 000 kopje.
Në këtë ditë të veçant për të, Adriano ka marrë urime nga bota e muzikës, artit, spektaklit, nga politika italiane, por dhe nga publiku dhe fansat e tij.
Celentano i cili nuk është vetëm këngëtarë por dhe një aktor shumë i mirë, regjisor, autor, producent. Prej vitit 1964 është i martuar me aktoren Claudia Mori me të cilën ka 3 fëmië, Rosita, Rosalinda e Giacomo.
Adriano Celentano ka publikuar në karrierën e tij 40 albume muzikore dhe ka një repertor shumë mirë që ka bërë për vete shumë fansa të cilët janë edhe në Shqipëri ku një pjesë e tyre edhe pse në kushte të vështira gjatë kohës së komunizmit janë ritur me muzikën e tij.
Për të folur për karierën e tij duhej shumë kohë, por edhe si këngëtar edhe si aktor ai ka qenë e i veçant në rolet e tij.
Në këtë 80-vjetor ne kemi zgjedhur një prej hiteve më të sukseshme të tij "SOLI".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
