Guri sjell librin e tij të ri: Akili është heroi i parë epiriot

Gjeologu dhe studiuesi Sazan Guri prezanton librin e tij të ri, “Zeusi dhe pesë gjeneralët skypetar me mision prej tij”, i cili trajton parahistorinë njerëzore.

Në emisionin “Zgjohu me MCN”, ai bëri një shpjegim të librit, dhe tha se Akili është heroi i parë epiriot

Nuk është se e quaj Zeusin shqiptar. Kur Zeusi ushqehej me qumësht nga dhia, qumështi i dhisë në gjithë botën pranohet që quhej amël, por amël i themi vetëm ne në Shqipëri. 

Zeusi për hatër të dhisë që e ushqeu mbajti kuronën në kokë, e mbajti dhe me brirë të thyer që tregon bollëk, pasuri. Siç e mbajti dhe Skënderbeu, që helmeta është me bri të thyer, si vazhdimësi. 

Këtë helmetë me bri e mbajti Zeusi, Akili, Aleksandri i Madh, Pirro i Epirit, e mbante dhe Skënderbeu. Këta janë të gjithë gjeneralë me mision të lartë ndaj Zeusit. 

Nuk po them se Zeusi është shqiptar, por mitologjia e njerëzimit thotë se Zeusi është zë që ushton. 

Kishte një shigjetë dhe një shqiponjë pranë, që sillte lajmet nga poshtë.  Ne jemi i vetmi popull që ruajmë pelegrinazhin, vajtja në Tomorr ka qenë që në atë kohë. 

Ne jemi i vetmi popull që shkojmë pelegrinazh që do të thotë- pe larg.  Apo te Kisha e Laçit që vijnë nga kudo. 

Këto mitologji që janë shumë herë më të vërteta. Akili është heroi i parë epiriot. E para është me fustanellë, me qeleshe në kokë. 

Akili, do të thotë qiellor- kiellor. Akili ishte me origjinë nga Zeusi, ishte luftëtar i pavdekshëm, i paepur, gjeneral i fushatës së sulmeve.

 Akili me Hektorin kanë tipare tipikisht të Kanunit. Kanuni ekziston në librat e Homerit. 

Dueli i Akilit me Hektorin, tregon se Hektori e dinte që Akili do e vriste. Por doli për burrëri, për nder. Napoleon Bonaparti është shqiptar, bir shqiptari.