Lushnja mirëpriti grupet artistike të Festivalit Folklorik Tipologjik Kombëtar të Valles Popullore Burimore, në datat 24 dhe 25 qershor, në edicionin e 11 të tij duke gjallëruar kështu jetën kulturore të qytetit.
Ky event bashkon mbi 12 grupe folklorike anembanë vendit por edhe grupe nga Kosova duke përcjellë larminë e valleve sipas krahinave dhe veshjeve tradicionale.
Sot në natën e dytë do te marrin pjesë Grupi i Kolonjës, grupi i qarkut Fier, shoqata Shën Kozmai Finiq, Qarku Berat, Dibër, si dhe nga disa krahina të Kosovës.
Festivali Folklorik Tipologjik Kombëtar i Valles Popullore u zhvillua për herë të parë në vitin 2006 në qytetin e Lushnjës dhe mbetet një traditë e bukur e organizimit nga Bashkia Lushnje dhe Ministria e Kulturines per vite me radhë.
Qendra Kombëtare e Veprimtarive Tradicionale bën me dije se në përfundim të festivalit do të jepen dhe çmimet për pjesëmarrësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
