Në kuadër të 115 vjetorit nga Kongresi Kombëtar i Elbasanit dhe Hapja e Shkollës Normale, sot në Sheshin e Kishës "Shën Mëria" në Elbasan hapet një ekspozitë fotografike dhe dokumentare.
Muzeu Historik Kombëtar dhe Bashkia Elbasan organizojnë një ekspozitë të veçantë fotografike dhe dokumentare me titull “Kongresi i arsimit mbarëkombëtar shqiptar” në nder të 115-vjetorit të Kongresit të Elbasanit dhe hapjes së Shkollës Normale!
Na bashkohuni pranë godinës ku u mbajt Kongresi i Elbasanit për të përjetuar këtë udhëtim historik dhe për të mësuar më shumë rreth trashëgimisë sonë kulturore.
Ekspozita paraqet rrugëtimin historik të shkrimit të gjuhës shqipe dhe momente kyçe nga Kongresi i Elbasanit, si dhe nga Shkolla Normale, e para shkollë kombëtare e hapur në këtë qytet.
Ekspozita është përgatitur nga Muzeu Historik Kombëtar në bashkëpunim me Drejtorinë e Përgjithshme të Arkivave dhe Arkivin Digjital të Elbasanit dhe çelet në orq 10:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
