Posta shqiptare nxjerr në qarkullim pullën e përbashkët postare Shqipëri-Slloveni

Posta Shqiptare bëri të ditur sot se doli në qarkullim emisioni i përbashkët i pullave “Shqipëri- Slloveni”, me tematikë ‘Ekoturizmi’.

Kjo pullë është simbol i bashkëpunimit të gjatë dhe të shkëlqyer mes dy postave homologe dhe marrëdhënieve midis dy vendeve tona, njofton Posta Shqiptare.

Posta Shqiptare shprehet se përmes kësaj pulle, promovohen vlerat e larta të natyrës shqiptare.

“Krenarë që nëpërmjet kësaj pulle promovohet një nga pasuritë e rralla të natyrës shqiptare, Ishulli i Zvërnecit në Lagunën e Nartës, si imazh përfaqësues i Shqipërisë”.

“Ndërsa Sllovenia përfaqësohet me një nga ishujt e saj lumorë dhe liqenorë, konkretisht ishullin në liqenin Cernika”, thekson Posta Shqiptare.