"Nëse muzika është ushqimi i dashurisë, atëherë luaje” me “Dolci baci”!
Kjo është thirrja që bën Teatri i Operas dhe Baletit, me anë të së cilës fton në koncertin simfonik vokal që do të mbahet nesër me rastin e festës së Shën Valentinit, nga të rinjtë e Konservatorit të Salernos dhe të TKOB-së.
“Kupidi i Dashurisë” do të prekë emocionet njerëzore, nëpërmjet arieve më të njohura si “L’elisir d’amore”, “Madama Butterfly”, “Magic Flute” e të tjera.
Ky 14 shkurt do të shënojë bashkëpunimin e radhës mes TKOB dhe Konservatorit Shtetëror të Salernos “Giuseppe Martucci”, me Orkestrën Simfonike të TKOB-së, dirigjuar nga maestro Vakhtang Gabidzashvili e ndjekur nga talenti i veçantë i solistëve lirikë.
Koncerti simfonik vokal në TKOB, mbahet nesër me fillim në ora 19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
