Aktorja e madhe shqiptare Margarita Xhepa është vlerësuar me çmimin ‘Aktori i Evropës’ në edicionin e 19-të të Festivalit Ndërkombëtar të Teatrit në Maqedoninë e Veriut.
Çmimi kryesor për ”Aktorin e Europës 2021” për realizimin më të mirë për këtë vit i takoi aktores Xhepa, një nga aktoret më të rëndësishme në hapësirën ballkanike, për rolin e Doruntinës në shfaqjen ”Kush e solli Doruntinën” me regji të Laert Vasilit.
Kjo shfaqje e teatrit ”Aleksandër Moisiu” mori edhe çmimin për shfaqjen më të mirë në tërësi.
Shfaqja është një riprodhim sipas romanit me të njëjtin titull të Ismail Kadaresë.
Vendimet për çmimet i solli juria ndërkombëtare, e përbërë nga Meto Jovanovski (kryetar), Mimoza Rail dhe Jani Bojaxhi, anëtarë, në Festivalin e 19-të ndërkombëtar teatror ”Aktori i Evropës”, që këtë vit u mbajt online.
Çmimin e madh ”Jacques Lacharier” për monodramën eksperimentale e mori regjisori dhe aktori Mentor Zymberaj për shfaqjen ”Djemtë e Hamletit” nga Nina Mazur, punuar sipas motiveve të tragjedisë ”Hamleti, princi i Danimarkës”, nga Ëilliam Shakespeare, i Shtëpisë Teatrore dhe filmike AKT dhe qendrës ITI nga Kosova.
Çmimin ”Naum Manivillov i Prespës” e mori aktorja Svetllana Sretenoviç për rolin në shfaqjen ”Letër nga gruaja e panjohur” nga Stefan Cvajg, dramatizim, adaptim dhe regji e Millan Magjarevit.
Çmimin ”Dionisi i Prespës”, për rrëfimin më të mirë kreativ koreografik skenik e mori shfaqja ”Tobelia” e Teatrit të Lubjanës, punuar sipas dramës me të njejtin titull të Ljubomir Gjurkoviç, me regji të Nik Aper dhe koreografi të Rosana Hribar.
Çmimi për rolin dytësor iu dha Marija Mincheva Andonov, për rolin në shfaqjen “Ky fëmijë”, bazuar në motive nga një tekst i Joel Pomera, drejtuar nga Aleksandar Ivanovski, dhe prodhuar nga NUCC Teatri “Aco Shopov” – Shtip.
Çmimi Evropa e Re iu dha shfaqjes “Të paftuar” bazuar në një tekst të Momcilo Nastasijevic. Skenografia, Përzgjedhja e muzikës dhe Drejtuar nga: Jug Radivojevic. Luajnë: Strahinja Blazic, Marija Stokic, Anita Stojadinovic, Aleksandar Ristanovic, Tatjana Dimitrijevic dhe Ivan Perkovic.
Edicioni i 19-të i Festivalit Ndërkombëtar të Teatrit “Aktori i Evropës” është mbajtur në Prespë të Maqedonisë së Veriut nga 6 deri më 11 korrik 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
