Thashethemet që ishin përhapur në internet dhe në disa tabloide britanike sipas të cilave artisti misterioz i rrugës, Banksy, më në fund ishte përjetësuar në një video të xhiruar nga një kalimtar në mes të ditës përpara ndërtesës ku pikturoi veprën e fundit janë hedhur të gjitha poshtë. Muralja e fundit e Banksy-t është bojë jeshile e spërkatur në murin e bardhë, para të cilit qëndron një pemë me degë të krasitura dhe të zhveshura.
Mediat në Mbretërinë e Bashkuar dhanë indikacione se personi i filmuar ishte kontraktori 67-vjeçar i ndërtesave, George Georgiou, siç konfirmoi vetë ai.
Sipas Sun, e cila ka kryer një sërë hetimesh, ai është babai i pronarit të ndërtesës dhe është filmuar teksa po bënte punime për të mbrojtur veprën e artit.
Gjithçka nisi kur një banor i Londrës pohoi se një nga njerëzit e pranishëm gjatë krijimit të muralit mund të kishte qenë vetë Banksy: një nga individët që punonte në këtë vepër kishte një ngjashmëri të jashtëzakonshme me Robin Gunningham, njeriun që shumë besojnë se është Banksy.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
