Një intoksikacion nga alkooli, që është pasuar me mbytjen në vaskë, është shkaku i vdekjes së vokalistes së grupit irlandez “The Cranberries”, Dolores O’Riordan.
Ky është konkluzioni i ekspertëve të mjekësisë ligjore, prezantuar sot në Gjykatën e Westminster-it në lidhje me ngjarjen e ndodhur në janar të këtij viti në një hotel Londër.
Kjo konfirmon vdekjen aksidentale dhe jo vetëvrasjen, siç u dyshua fillimisht.
Këngëtarja 46-vjeçare O’Riordan u gjet e pajetë më 18 janar në dhomën e saj në një hotel të kryeqytetit britanik.
Vdekja e saj, pas një karriere plot suksese por edhe problemeve të shëndetit mendor dhe zhgënjimeve sentimentale, e tronditi botën e muzikës dhe fansat e saj në mbarë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
