Pasi arriti mbi një miliard dollarë në të ardhura në mbarë botën, filmi i parë i ndaluar për moshat nën 17 vjeç (në SHBA), tani “Joker” po përgatitet për vijimin. Sipas “Hollywood Reporter”, i cili u referohet dy burimeve të ndryshme, regjisori Todd Phillips po punon në një kapitull të dytë të filmit që ka në qendër origjinën e rivalit të Batman.
Sigurisht, rolin e Joker do ta ketë sërish Joaquin Phoenix. Filmi përshkruan transformimin e Arthur Flack nga një aspirant për komendian, i cili performon në rrugë dhe para fëmijëve të shtruar në spitalin pediatrik, ndërsa lufton me problemet e tij mendore midis ilaçeve, punonjësve socialë dhe kujdesit për nënën e moshuar me të cilën jeton, në psikopatin Joker, i cili shfryn në dhunë vite abuzimesh dhe padrejtësish.
Nuk dihet ende se çfarë do të ndodhë në këtë kapitull të dytë, nëse rruga e tij kryqëzohet me atë të Bruce Wayne, i cili shfaqet fare i vogël në fund të filmit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
