“Inva Mula dhe Miqtë”, koncert për të prekurit nga tërmeti

Inva Mula u bëri thirrje artistëve shqiptarë për t’u mbledhur së bashku në një koncert bamirësie për të mbledhur fonde për të dëmtuarit nga tërmeti. Thirrjes së saj iu përgjigjen artistë të mirënjohur shqiptarë të skenës operistike dhe muzikës së dhomës brenda dhe jashtë vendit, si: Blerta Zhegu, Merita Rexha Tërshana, Vikena Kamenica, Etleva Shemai, Etrita Ibrahimi etj.

Koncerti, i titulluar “Inva Mula dhe Miqtë” do të mbahet sot në orën 17:00 në sallën e koncerteve të Katedrales Ortodokse “Ngjallja e Krishtit” në Tiranë.