Kantautori Iain Sutherland, i cili ndihmoi për të kompozuar këngën e famshme "Sailing" të Sir Rod Stewart në vitin 1975 ka ndërruar jetë.
Iain Sutherland dhe vëllai i tij Gavin e regjistruan këngën në vitin 1972 përpara se të bëhej një hit botëror për Sir Rod.
Iain, 71 vjeç nga Ellon, Aberdeenshire, vdiq të hënën pas një sëmundjeje.
Ai e realizoi këngën me vëllanë e tij Gavin si pjesë e Sutherland Brothers dhe Quiver. Ata gjithashtu patën një hit të Top 10 me "Arms of Mary".
Kur "The Sutherland Brothers" e publikuan fillimisht "Sailing", ajo nuk u fut as në "Top 40". Sidoqoftë, kur u regjistrua nga 30-vjeçari Rod Stewart, u bë një hit në mbarë botën, duke arritur numrin një në Mbretërinë e Bashkuar dhe pesë të parat në më shumë se një duzinë vendesh të tjera.
Të afërmit e kantautorit thanë në një prononcim në Facebook se "ai vazhdoi të shkruante gjer në fund të jetës. /BBC/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
