Krijuese nga Shqipëria e Kosova/ Prezantohen veshje moderne bazuar tek etnografia e Gjirokastrës
Folklori dhe vetë Festivali Folklorik Kombëtar i Gjirokastrës nuk mund të kuptohet pa artizanatin, pa përcjelljen e mjeshtërisë së bërjes së kostumeve.
Gjatë ditëve të Festivalit Folklorik Kombëtar të Gjirokastrës 2023, Trashëgimia Kulturore pa Kufij (chwbalbania) organizoi aktivitetin “Puntoria- Rikrijim i Traditës 2”, mbi realizimin e veshjeve moderne, bazuar në etnografinë dhe monumentet e qarkut të Gjirokastrës.
Nën drejtimin e artizanes së ateliesë, Elida Zhulati dhe kuratores Esmeralda Marku, me asistencën e tre rrobaqepëseve të qytetit, 20 të reja nga Kosova dhe Shqipëria realizuan 20 veshje, të cilat u prezantuan në një sfilatë, mes mijëra vizitorësh të Gjirokastrës.
Ministrja e Kulturës, Elva Margariti e pranishme në ambientet e punëtorisë, pa nga afër krijimet artizanale të vajzave.
Punëtoria u realizua me mbështetjen financiare të Ambasadës Suedeze në Tiranë.
MCN Radio
103.1 FM
MCN Radio
103.1 FM
Intro
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
