“Të ecësh me historinë” bën bashkë artistë të traditës dhe muzikës bashkëkohore në Gjirokastër

“Të ecësh me historinë” në Gjirokastër është përmbyllur mbrëmjen e djeshme me një sërë aktivitetesh në sheshin e 'Çerçizit' në Pazar.

Artistë vendas kanë performuar në valle tradicionale, isopolifoni por pa lënë pas dhe emra të njohur të muzikës moderne si Ardit Çuni, Young Zerka e Elhaida Dani.

Për këta të fundit kthimi në Gjirokastër ka qenë një emocion ndryshe ndërsa shtojnë se aktivitete të tilla që kanë për qëllime ruajtjen e traditës janë tepër të rëndësishme.

Përgjatë gjithë javës Gjirokastra ka patur disa aktivitete kulturore ndërsa do të vijojnë për gjithë muajin pasi muaji mars shënon njëherazi nisjen e sezonit turistik.