Shfaqja “Jehona jonë”/ Traditat më të bukura shqipe parakalojnë sot në TKOB

Sonte në TKOB do të vihet në skenë shfaqja e Ansamblit Popullor, “Jehona jone”.

Nga Çamëria në Kosovë e nga Bregu në Korab, publiku do të mund të përcjellë traditat më të bukura shqipe, këngët, vallet, vajet e gëzimet, të cilat do të vijnë të interpretuara mjeshtërisht nga artistët e Ansamblit Popullor, mbrëmjen e sotme prej orës 19:00, shkruhet në publikimin e TKOB në rrjetet sociale.

Ndër shekuj, jehona e isos së Jugut, tupanit të Veriut e këngët majë krahi kanë lajmëruar lajme të gëzuara e të trishta.

Kjo ishte mënyra se si populli ynë komunikonte dikur. 

Solistë të këtij koncerti të veçantë do të jnë: Denisa Gjezo, Iris Bega, Aranit Hoxhaj, Lekë Pecnikaj, Avni Miraka etj.

Koncerti “Jehona jonë”, vjen si lajmërim i ditëve të bukura të vitit te sapoardhur dhe do të kumbojë në skenën e TKOB-së nga Ansambli i Këngëve dhe Valleve Popullore.