Shuhet në moshën 88-vjeçare regjisori i njohur shqiptar Mihal Luarasi. Mësohet se Luarasi ka patur probleme shëndetësore që prej fillimit të vitit, gjendja e cila ka ardhur duke u përkeqësuar pa mundur përmirësimin e tij. Sic konfirmojnë familjarët e tij, Mihal Luarasi ka ndërruar jetë pasditen e kësaj të hëne rreth orës 16:30.
Ai lindi më 16 shtator të vitit 1929 në Korçë,teksaa studimet e larta i kreu në Akademinë e Arteve të Teatrit dhe Filmit në Budapest të Hungarisë. Që prej vitit 1957 nisi të realizonte drama të suksesshme në skenë.,sikurse ishte drama Intrigë dhe dashuri, e cila u luajt 300 herë ne skenë.
Periudha e tij më e suksshme ka qenë në vitet 1957-1973. Në vitin 1966 ai ngjiti në skenë për herë të parë në skenë në Teatrin Migjeni të Shkodrës dramën “Cuca e maleve”. Në vitin 1972 ai ngjiti në teatrin “Aleksandër Moisiu” të Durrësit dramën “Çështja e inxhinier Saimirit” të Fadil Paçramit, vepër për të cilën u dënua. Sikurse edhe në përfundim të festivalit të famshëm 11 të në RTVSH të cilësuar si festivali modern, Luarasi si regjisor u dënua me tetë vjet heqje lirie, dhe pas lirimit punoi si bojaxhi deri në vitin 1990.
Pas viteve ’90 Mihal Luarasi u rikthye në skenë me vepra të suksesshme si “Vdekja e një mbretëreshe” e Rexhep Qosjes, “Hekurat” të dramaturgut hungarez Arpad, por edhe disa vepra spekatolare në Teatrin e Operës e dhe Baletit, si “Karmen”, “La Traviata”, “Pranvera”, “Opera për tre grosh”, e më gjerë. Në vitin 2003 ai botoi librin e tij “Teatri Kombëtar në udhëkryq” dhe më pas ka botuar edhe librin mbi teatrin dhe artet e tjera “Kujtesa që nuk fle”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
