Këngëtarja nga Kosova me famë botërore, Dua Lipa, së fundmi ka fituar çmimin e Grammy’s për “Albumin më të mirë vokal të Pop-it” për vitin 2021 me albumin e saj, “Future Nostalgia” .
Krahas kësaj, 25-vjeçarja mori vëmendje të madhe me paraqitjen e veçantë nën markën e ‘Versace’, duke qenë se bashkëpunon prej vitesh me të. Ajo u shfaq me një fustan në formë fluture, e cila ishte e mbuluar plot me gurë që shkëlqenin.
Megjithatë, për të realizuar fustanin me rrjetë të Lipës me kristale është bërë një punë shumë e madhe dhe kjo u zbulua nga stilistja italiane, Donatella Versace.
Kjo e fundit ka ndarë një postim në InstaStory, me anë të së cilit tregon se ka punuar plot një mijë e 500 orë për t’a realizuar dhe se përmban rreth 55 mijë kristale.
“Ky fustan i ateliesë Versace mori 1500 orë për tu bërë dhe është i tëri i mbuluar me 55 mijë kristale”, u shpreh Donatella.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
