‘Divani Lunxhot’ rikthehet në edicionin e tij të 10 në fshatin Dhoksat të bashkisë së Gjirokastrës duke prezantuar vlerat më të mira të muzikës popullore shqiptare edhe larmishmerinë e kostumografisë autentike.
Edhe këtë vit, ashtu siç është bërë traditë tanimë prej 10 vitesh, ka marrë jetë “Divani Lunxhot”, një festival ku promovohet tradita dhe kultura e zonës së Lunxherisë.
Këtë vit në festivalin “Divani Lunxhot”, një prej festivaleve më të rëndësishme të krahinave jugore të vendit, marrin pjesë 14 grupe folklorike, përveç ansamblit “Lunxheria”.
Festivali dyditor po mbahet në fshatin Dhoksat, ky fshat është dhe pjesë e programit të 100 fshatrave.
Sipas organizatorit Koço Vasili ruajtja e traditës është domosdoshmëri ndërsa ky festival është një pasuri folklorike .
Ndërsa për pjesëmarrësit organizime të tilla janë me interes të lartë teksa performojne me pasion këngë e valle të vjetra shqiptare që duhet të përcillen edhe te brezat e rinj.
Ky aktivitet, tashme i përvitshëm gjallëron për dy ditë radhazi fshatin e Dhoksatit duke e bërë kryefjalë të kulturës shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
