FemFEST është një festival feminist arti dhe kulture i krijuar nga BASH ART.
Ky festivali ringjall qëllimin fillestar të 8 Marsit duke bërë thirrje për arritjen e plotë të të drejtave të grave. FemFEST synon të transformojë normat tradicionale gjinore dhe shoqërore, që minojnë arritjen e barazisë së plotë për gratë.
“Fem Fest” është ndërtuar me një platformë shfaqjesh mbresëlënëse, debatesh, këngë, muzikë, ekspozitë, sfilata dhe një protestë këpucësh të kuqe.
Pjesë e këtij festivali që zhvillohet në Tiranë, në datat 4-8 Mars, janë artiste, aktiviste, shkrimtare, politikane dhe këngëtare të cilat nëpërmjet zhanreve të ndryshme të artit do t’u japin zë edhe problemeve që nuk fliten, apo atyre që nuk dëgjohen.
Festivali nis sot prej orës 10 dhe do të zgjasë 4 ditë. Ai do të realizohet në ambientet e Destil si dhe ArTurbina.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
