James Caan, aktori që luajti rolin e Sonny Corleone në “The Godfather” ka ndërruar jetë në moshën 82-vjeçare.
Caan vdiq të mërkurën mbrëma në Los Anxhelos.
Caan do të mbahet mend më së miri për performancën e tij shpërthyese si Sonny në “Kumbari” (1972) të Francis Ford Coppola. Me këtë rol, ai fitoi një nominim për Oscar për aktorin më të mirë dytësor.
Por roli që do ta bënte atë të famshëm për pak mund t’i kishte ikur nga duart. Paramount fillimisht planifikoi t’i jepte atij rolin e vëllait më të vogël Michael dhe Carmine Caridi si Sonny. Por Coppola, i cili kishte punuar me Caan në The Rain People (1969), këmbënguli se vetëm ai mund ta bënte siç duhej rolin e Sonny-t.
Pasi studioja ra dakord, aktori i lindur në Bronx e mori përsipër këtë detyrë. “Çfarë transformimi ka? Natyrisht, jam rritur në lagje. Nuk më duhej të punoja për një theks apo ndonjë gjë tjetër”, tha ai për Vanity Fair në një intervistë të vitit 2009.
Një performancë tjetër që i dha atij emër erdhi në Këngën e Brianit, një film në ABC i vitit 1971. Caan portretizoi jetën reale të Chicago Bears, i cili u diagnostikua me kancer terminal pak pasi u bë profesionist.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
