Një koleksionist, i cili mbledh objekte që i përkasin Hollivudit, e identifikon veten si Glenn. Ai ka blerë këtë radhë xhaketën e lëkurës veshur nga aktori i vdekur Patrick Swayze në ‘Dirty Dancing” me një çmim të marramendës 62.000 dollarë në një ankand në Los Angeles.
E veja e tij Lisa Niemi tha se ishte shumë në mëdyshje nëse duhet t’i nxirrte në shitje kujtimet e të shoqit, por vendosi më në fund që ta bënte edhe pse kjo zgjedhje e Lisës, është kundërshtuar fuqishëm nga mbesa e Swayze, Danielle e cila këmbënguli se ishin kujtime të familjes.
Qindra sende të tjera të aktorit, i cili ka vdekur në vitin 2009 nga kanceri i pankreasit, janë shitur gjithashtu në ankand nga Lisa Niemi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
