Tom Cruise shpreson të hyjë në librat e rekordeve në Hollywood duke xhiruar filmin e parë aksion në hapësirë.
Nasa po punon me Cruise për të filmuar në stacionin ndërkombëtar hapësinor. Nuk ka detaje të filmit, por nuk do të jetë ndonjë zhvillimi i “Mision i Pamundur”.
Cruise, 57 vjeç, po punon gjithashtu me “SpaceX” të Elon Musk, që do të transportojë dy astronautë amerikanë në ISS për Nasa më vonë këtë muaj.
Administratori i Nasa-s, Jim Bridenstine shkroi në rrjetin social "Twitter": "Nasa është e ngazëllyer të punojë me Tom Cruise në një film në bordin e Stacionit Hapësinor!"
Cruise interpretoi një astronaut në filmin “Oblivion” në vitin 2013, ku mbrojti burimet natyrore të Tokës nga pushtuesit alienë.
Ai gjithashtu ishte narratori i dokumentarit “Space Station 3D” në vitin 2002.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
