Në kuadër të “Muajit të Fotografisë” ministrja e Kulturës, Elva Margariti përmes një fotografi nga Pjetër Rraboshta, ka përkujtuar autorin në fjalë.
Ajo e cilëson Raboshtën si mjeshtër i fotografisë, që fiksoi në celuloid detaje të jetës së përditshme, teksa përcjell foton e tij, me një moment pune në fabrikën e karameleve.
Pjetër Rraboshta, një mjeshtër i fotografisë, që fiksoi në celuloid detaje të jetës së përditshme!
Pjetër Rraboshta lindi në Shkodër në 1917, në një familje artizanësh. Ai studioi në kolegjin jezuit dhe vitet e rinisë së hershme i kaloi në studion e Kel Marubit, si ndihmës i tij. Kreu shërbimin ushtarak në Gjirokastër, ku edhe atje u mor me fotografi. Në 1940 kthehet në Shkodër për të punuar së bashku me të birin e Kel Marubit, Gegën. 2-3 vjet më vonë hap studion e tij “Foto Rraboshta”, në rrugën kryesore të qytetit.
Qyteti, në fotografinë e Rraboshtës, nuk vinte kaotik, por aty mungonte klasa e lartë. Imazhet përcjellin atmosferën e një qyteti mesdhetar që ngjall vizione nostalgjie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
