Një palë syze dielli të John Lennon u shitën në ankandin e Sotheby për 137 500 paund (rreth 165 000 euro). Shitja, siç raporton sot “Independent”, u bë të premten në Londër.
Emri i blerësit nuk është bërë i ditur, por syzet u shitën nga ish-shoferi i Beatles, Alan Hering, i cili në një letër bashkangjitur shpjegon se si ato u bënë të tijat.
“Lennon, -shkruan Hering, - i kishte lënë syzet e tij të rrumbullakëta në sediljen e pasme të makinës së Ringo Starr në verën e vitit 1968. Unë kisha marrë John me Ringo dhe George në Mercedesin e Ringo-s dhe i kisha sjellë djemtë në zyrë" , thuhet në letër. "Kur John doli nga makina, vura re që ai i kishte lënë këto syze dielli në sediljen e pasme dhe njëri xham ishte shkëputur nga skeleti. E pyeta John-in nëse ai ishte dakord t’ia çoja për riparim. Ai më tha të mos shqetësohesha sepse ato ishin vetëm për të plotësuar pamjen e tij të jashtme! ... ".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
