Xhamia e Plumbit në Shkodër përbën një ndër objektet e rëndësishme të trashëgimisë kulturore në vend.
Prej disa kohësh ajo i është nënshtruar ndërhyrjes për konservimin e tij.
Drejtoria Rajonale e Trashëgimisë Kulturore Shkodër ka bërë të ditur se aktualisht, po vazhdojnë punimet për injektimin e plumbit në kupolat e Xhamisë së Plumbit, një projekt i rëndësishëm për ruajtjen dhe konservimin e këtij monumenti historik.
Këto punime kanë për qëllim përmirësimin e stabilitetit dhe do të ndihmojnë në mbrojtjen e strukturës nga dëmtimet e mëtejshme.
Injektimi i plumbit është një teknikë e përdorur për të forcuar dhe stabilizuar strukturat historike dhe është një hap i rëndësishëm në mbrojtjen e vlerave kulturore të xhamisë.
Projekti, konsiston në rijetëzimin e monumentit të kulturës nëpërmjet rikualifikimit të zonës, rivitalizimin e Xhamisë së Plumbit dhe kthimin e këtij tempulli jo vetëm besimtarëve por edhe Shkodrës një tjetër destinacion atraktiv turistik.
Xhamia e Plumbit u ndërtua në vitet 1773-1774 nga Mehmet Pashë Bushatlliu, sipas modelit të arkitekt Sinanit.
Ajo u shpall Monument Kulture në vitin 1973 dhe është e vetmja xhami e ngelur në këtë zonë nga periudha osmane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
