“Nënshtrimi”, një nga romanet më të famshme të viteve të fundit nga francezi Michel Houellebecq (botuar edhe në shqip) do të ekranizohet.
Romani fiction, në qendër të të cilit vendoset Parisi i vitit 2022 dhe fitorja e zgjedhjeve presidenciale nga një kandidat islamik, do të jetë projekti i radhës për regjisorin Guillaume Nicloux, i cili ka ka bashkëpunuar me autorin për realizimin e “L'Enlèvement de Michel Houellebecq”, një tjetër film i prodhuar për kanalin franko-gjerman ARTE.
Lajmin për ekranizimin e librit e ka konfirmuar Qendra Kombëtare e Kinemasë në Francë. Megjithatë, ende nuk ka informacione mbi kastin e aktorëve.
Javët e fundit, Michel Houellebecq, shkrimtari francez më i njohur jashtë vendit të tij, është rikthyer në qendër të vëmendjes së opinionit pas daljes së romanit të tij të fundit, “Serotonine”.
Ky i fundit për momentin është në krye të listës së librave më të shitur në Francë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
