Mbrëmja e së shtunës në Korçë, ka bërë bashkë 22 poetë nga vende të ndryshme të botës në festivalin ndërkombëtar të poezisë “Netët Korçare të Poezisë”.
Tematika e këtij viti ishte “Vegim perëndimi”, frymëzuar nga poezia me të njëjtin titull e një prej figurave më të mëdha të rilindjes shqiptare me origjinë korçare, Asdrenit.
Nata e parë e këtij festivali u mbajt tek salla multimediale, ku vetë poetët interpretuan krijimet e tyre në poezi.
Përgjatë dy netëve, poetë të njohur por edhe të rinj, do të sjellin vargjet e tyre për të ndarë emocione të ndryshme përmes poezisë
Poetët e këtij edicioni vijnë nga vende të ndryshme duke përfshirë ato fqinje, dhe vende të tjera si Gjermania, Zvicra, Maroku, Pakistani, etj.
Për ta, është kënaqësi të marrin pjesë në këtë festival jo vetëm për të këmbyer kulturën mes tyre, por edhe për të krijuar miqësi të reja
Si traditë e këtij festivali, në çdo edicion të tij, mbillet një pemë nga një prej emrave të njohur të poezisë shqiptare, ndërsa në këtë edicion ajo është mbjellë nga themeluesi i këtij festivali, liriku korçar Skënder Rusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
