Njeriu që zgjodhi ikjen pa bujë

<p>Alain Delon e kishte vendosur që varrimi i tij të bëhej privat dhe kështu do të jetë. Aktori, i cili vdiq në moshën 88-vjeçare më 18 gusht, do të varroset në mes të kësaj jave në Douchy, në vigjilje të një ceremonie për disa miq të ngushtë në kishëzën e pronës së tij në Loiret. Sipas BmfTv, ceremonia do të zhvillohet edhe në prani të 35 qenve të tij.</p> <p>Kur e pyetën, në vitin 2018, nëse do të kishte dashur një ceremoni në ditën e vdekjes së tij, siç është bërë për mikun e tij Jean-Paul Belmondo, për Johnny Hallyday dhe Charles Aznavour, ai u përgjigj me vendosmëri: "Jo, jo, absolutisht. jo. Absolutisht jo".</p> <p>Një ceremoni publike që lejon francezët t'i thonë lamtumirë mitit të tyre do të mbahet shtator, diçka që i ngjan një momenti për t'i bërë homazh figurës së aktorit, më shumë sesa thjesht Delon. Presidenti Emmanuel Macron e ka cilësuar Delon një monument i kulturës franceze.</p>