Rikthimi i “Top Gun” në ekranin e madh ka sjellë para fansave aktorin Val Kilmer. Vazhdimi i filmit hit të viteve ’90, "Top Gun: Maverick" e vë Kilmer në rolin e Tom "Iceman" Kazansky.
Problemi i vetëm? Kilmer nuk mund të flasë më, për shkak të ndërlikimeve të kancerit të fytit.
Në një intervistë në Page Six me vajzën e Kilmer, Mercedes në fund të muajit të kaluar, jepet një detaj rreth mënyrës sesi krijuesit e filmit arritën ta bënin atë të fliste në film pavarësisht se ka humbur zërin. “Sekreti” është teknologjia e avancuar e inteligjencës artificiale, e realizuar nga një kompani e quajtur Sonantic, e cila ka imituar në mënyrë të përsosur zërin e Kilmer.
"Ata ia dolën ta dublojnë atë me zërin e tij, gjë që është e mahnitshme," tha vajza e aktorit për Page Six.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
